الحمد لله
ونكمل مع بعض
ضربت الكريمه مع فنجانين لبن ساقع لحد ما بقوا بالشكل ده
وقسمت الكيك وسقيته بسيط بسيرب بتاع الكمبوت الي هاستخدمه في الحشو
وبعد كده فردت الكريمه وحطيت عليها قطع كمبوت الفواكه وجوز مكسر
وحطيت الطبقه التانيه وغلفتها بالكريمه ودخلتها التلاجه
والكيه المستطيله برده قسمتها وقطعت الزياده عشان تدي شكل اسبونش
وحشيتها وغلفتها بالكريمه بنفس الطريقه ودخلتها التلاجه وطلعت التانيه
(يعني لازم تكون مغلفه بالكريمه كلها وندخلها التلاجه شويه قبل ما نفرد عليها عجينة السكر)
ذوقت تورته هالو كيتي عادي خالص بالكريمه والكريز وعلي وشها حطيت برش شيكولاته
وبعد كده شكلت هاللو كيتي بعجينة السكر وحطيتها عليها
اما االتورته التانيه بعد ما طلعتها ابتديت افرد عجينة السكر علي شوية نشا
واضيف الالوان لحد ما اوصل للون الي عاوزاه بس بنضيف نقطة ونعجن ونشوف النتيجة
حته كبيرة من عجينه السكر وحطيت عليها اللون الاصفر نقطه نقطه وعجنتها
وفردتها بالنشابة وحطيتها علي الكيك كلها كويس وشيلت الزياده بالسكينه
بعد كده قطعت دواير للعين بعد ما لونتها وعملت المناخير والبق والسنان
حطيت الايد وحددت الصوابع بالسكينه
(سامحوني بعض الخطوات مقدرتش اصورها كانت ايد كلها الوان وصعب امسك التليفون واصور)
ولبسته هدومه وكرافتته وجزمته وبقي الاستاذ سبونش بوب
هو احول شويه مني
بس مش مشكله هو ساعات بيعمل اكتر من كده
ودي صورتهم مع بعض
دي اخر صورة ليهم من مطبخي قبل الحادثه طبعا بنتيالصغنونه لازم تحط بصمتها فحطت كام شيكولاتايه ام امز معاهم
ودي اللحظه الاليمه بالنسبه لي
بس الحمد لله اتفاجءو وفرحوا بيها جدا جدا وجوزي كمان ابسط اوي لما شافهم
ودي كانت رحلة اسبونش بوب وهاللو كيتي من مطبخي الي مثواهم الاخير
وكل سنه وانتم طيبين وربنا يجعل حياتكم كلها اعياد
وانتظروا تورتي الجاية الي عملتها بمناسبة عيد جوازي والسنه الجديده
في رعاية الله 
21/01/13, 03:33 pm
هاكمل لسه