كنت...وسأبقى وحيدة....

مشكلتى الوحيدةإنى حبيت ‏
‏ حبيت إنسان ميستهلش
حبيتةاوى من كل قلبى حفظت على رعيت ربنا عشان يباركلى فى
بس هو.... خانى...ظلمنى...داس على كرامتى..وكسرقلبى...
وانا دايمآ برغم كل دة ‏ ببقى معا واقول اللى بيحب بيسامح
يرد عليا ويقولى انتى معندكيش دم ‏...
بس انا تعبت اوووى منةوزهقت وكل مافكرابعد ماقدرش
بس انا لازم ابعد عنة حتةلوروحى بين ايدة مينفعش اكمل عشان
خلاص انا اتخطبت لحد تانى....ومينفعش اخون...
بس مش عارفة انسى لانة دايمآ فى بالى ‏.....
محتاجة حديساعدنى بجد لانى تعبت من كتر التفكير

بصى يا ياسمين اللى باعك بعيه
وانتى مش هتشحتى الحب منه
إن شاء الله ربنا هيكرمك بإنسان أحسن منه
إنتى بس قربى من ربنا شويه
وإدعى إن ربنا يرزقك بالإنسان
اللى يخاف عليكى
ويحبك أكتر من نفسه

طالما انك مخطوبة دلوقتى يبقى الحل هيكون مع خطيبك
انتى حاولى تتكلمى معاه كتير
و تفضفضى معاه و خليه يقرب منك و يحكيلك على مشاكله
ساعتها هتحسى ان فيه حد قريب منك و حابب تكونى جمبه ف كل حاجة و تشاركيه ف كل حاجة
و واحدة واحدة هتلاقى نفسك نسيتى كل حاجة فاتت و كل ما تفتكريها هتضحكى على نفسك
لان البنت بطبيعتها حساسة وعاطفية ومنين بتلاقى الاهتمام و الحب بتحب
والله صدقينى و المثل بيقول خدى اللى يحبك ومتاخديش اللى انتى بتحبيه

كلام تمام يا إسراء
لازم ترضى بالأمر الواقع
وحاولى تسعدى نفسك وتسعدى الإنسان اللى هتتجوزيه

كل شئ قسمه ونصيب

ايوة مظبوط يا عمرو
و انا متاكدة ان الواحدة اول ما بتتجوز و يبقى عندها زوج واولاد مسئولين منها بتنسى كل حاجة
و مهما كان سنك دلوقتى يا ياسمين فمحدش يقدر يجزم اننا عدينا سن المراهقة
و اظن ان كل اللى بيحصل دا مراهقة عابرة مش اكتر

ميرسى جدآ على ردكم ‏
بس انا برضةبقابل مشكلة مع خطيبى انو دايمآ مش فاضى
ومش بتكلم مع خالص ومش عارفةاتعامل مع خالص وتفكرنا
مختلف تمامآ فى كل حاجة

يلهوى
بس انتى كدة عمرك ما هتقدرى تفهميه و لما ييجى الوقت دا هيكون فات الاوان
راجعى نفسك يا ياسمين
و فكرى بهدوء
تقعدى تستنى الشخص اللى يناسبك ولا ترضى باى حاجة ولا تحاولى تغيرى من نفسك ومن حياتك
انتى صاحبة القرار على فكرة