سافرت .. ومسافرتش

روحت وجيت متأخرتش

كان جوايا حبة سكر

داب السكر بس مدوبتش



فى المروحة علقت خيالى

لف معاها لفة وجالى

جااى يضحكلى يقولى تعالى

قومت انا كاسفه .. وقلت انا مالى



ياللى معاك الساعة اية رأيك

لو وقفت الساعة دقيقة

خد دى مراية بص فى شكلك

ضاعت منك حاجة بريئة



انا مازعلتش ابد ابدا

ولا جه فى بالى

اخد على خاطرى

انا لو هزعل .. هزعل فعلا

انى استنيت ..

ومركبتش قطرى



نمرة قلبى فى العصرية

لو رنيتى تلاقيه مقفول

ايوة انا بفتحه عالفجرية

ولو رنيتى هكون مشغول



مش محتاجة تانى مجاملة

اية رأيك لو نتخانق

عادى نغييير اى معاملة

يلا بسرعة عشان مدايق

!!

.

لــ أحمد عبد الغفار