مش طبيعى
لما يغرق مركبي وانا سايقة فجأة
ولما تنهي قصتي وانا لسة بادئة
لما تنكر تضحياتي
ولما اوهب لك حياتي
وازرع الدنيا ف عيونك ورد يطرح من ربيعي
والتقاك بتقول لي ضيعي
مش طبيعي



فين كلامك عن حياتنا
فين سعادتك وانت بتلاعب ولادنا
وعنيك تغير كل الوان الحاجات
طلقتني ونسيت معايا الذكريات
انا لسه فاكراك وانت بتقول لي احلمي
وانا لسة فاكراك وانت بتقول لي ارسمي
بس مش حاقبل اكون برواز خشب ع الحيطة يقدم يترمي
كان الطبيعي وانت بتقول لي احلمي
وانت بتقول لي ارسمي
تقول لي بيعي
مش طبيعي

هشام الجخ

كلام جميل اوى