مين قال العلام
فى بلادنا قديم
لا داحنا تمام
اه والله العظيم
سلاح التلميذ
موجز ولذيذ
نماذج اجابات
مافيهاش تحفيظ
ياهناه ... يا هناه
اللى يتعلم عندنا ..!
ابله عطيات
بتاعه الدراسات
هتغيب اسبوع
هيصوا ياولاد
ياهناه ... يا هناه
اللى يتعلم عندنا ..!
يونيفورم جنان
شغل ستاير
والياقه ساتان
دايرن داير
ياهناه ... يا هناه
اللى يتعلم عندنا ..!
استاذ عصفور
ده الامبراطور
لو علمى علوم
عديت فورشور
ياهناه ... يا هناه
اللى يتعلم عندنا ..!
قالوا فى اوروبا العلام
جامد اوى فى السليم
معلش بقا فى الكلام
داحنا الجديد والقديم
ياهناه ... يا هناه
اللى يتعلم عندنا ..!
ده علينا فصول
سيراميك بالطول
والحمام ايه
دايما مغسول
ياهناه ... يا هناه
اللى يتعلم عندنا ..!
والكل اخوات
فى الامتحانات
وسؤال بسؤال
خد منى وهات
ياهناه ... يا هناه
اللى يتعلم عندنا ..!
والناظر ياه
بلسم يا ولاده
راخر محبوب
لله فـ الله
ياهناه ... يا هناه
اللى يتعلم عندنا ..!
رزقك موجود
رغم الشهادات
وباذان الله
مندوب مبيعات
ياهناه ... يا هناه
اللى يتعلم عندنا ..!
والوضع جميل
انا متفائل
عندنا هتشوف
مستوى هايل
ياهناه ... يا هناه
اللى يتعلم عندنا ..!
لو شوفت زبون
خطوته جايباه
قلبه دليله
سيبو على عماه
ياهناه ... يا هناه
اللى يتعلم عندنا ..!
02/09/11, 04:08 pm
