كل شىء قسمة ونصيب!!




يعني ايه كل شئ قسمة ونصيب ؟!!

يعني الاهل يرفضوا قريبهم لبنتهم الكبيرة .. والبنت ماتتجوزش ..

وبعد سنتين يتقدم للتانية اصغر من الاولى بتلات سنين ويتقبل وتتم الخطوبة ..

اصله نصيب !!

..

يعني ايه كل شئ قسمة ونصيب؟!!

يعني اروح اسجل دبلوم عالي دراسة مؤسسات المجتمع المدني ..

ويقولي مسؤول التسجيل الامتحان الجاى..اقوله انا مسافرة الخميس ماينفعش اقدمه قبل كده

يقولي لأ .. واش ضمنك ظروف السفر .. بس ترجعي تبقى تيجي تسالي تاني وتسجلي

اسافر .. تحصل الثورة .. ارجع بعد شهرين .. وبعد شهر من رجوعي ينزل اعلان لدبلوم عالي لغة انجلش لاغراض تجارية ..

اسأل عنها .. تدخل مزاجي !! .. اسجل فيها .. واقبل فيها !!

اصله نصيب!!

..
يعنى ايه كل شئ قسمة ونصيب ؟!!

يعني احب 8 سنين ..

وانت تحب وتتحب 5 سنين وفي الاخر

تخطب حد تاني وحبيبك اتخطب لحد تاني !!

رفض اهل .. ظروف .. عدم اقتناع بعد سنين حب !! ايا كان سبب او الشماعة اللي نعلق عليها

نرجع تاني ونقول ..

اصله نصيب !!

..

يعني ايه كل شىء قسمة ونصيب ؟!!

اقدم انا و15 شخص لوظيفة ..

وبعد امتحان ومقابلة و و و و ..

محمد نال الوظيفة

اصله نصيب!!

..

يعني ايه كل شىء قسمة ونصيب ؟!!

ترفضي شباب متعلمين .. عندهم شقق .. ظروفهم تمام

لسة انا في الجامعة وعايزة اخلص تعليمى لسة ..مش مفكرة فى الارتباط..مامتها: البنت لسة صغيرة

ولما جه النصيب شوفتوا بردو ازاى بنتكلم لما جت خطوبتها قولنا لما جه النصيب !!"

لما جه النصيب ووقع الفاس في الراس !!

خطيبك متعلم اي نعم .. لكن موظف فى وظيفة مش ثابتة .. شقة الزواج عقد ايجار مش تمليك !!

قارنيه باللي فاتوا !! ولا حاجة يجي جنبهم !!

اصله كده النصيب ... دة نصيبك

..

كل شىء قسمة ونصيب!!

الشماعة اللي بنعلق عليها كل حاجة بتحصل في حياتنا !!

هو جزء من الايمان بالقضاء والقدر.. او هو جزء مسلم بيهومافيهوش نقاش !! او هو واقع الحياة اللى مرسومة لنا ومجبرين نعيشها ومن غير ما نعرف واخدانا لفين !!

ما نعرفش .. كل اللي نعرفه انه نصيبنا وبس

يعني نرجع ونقول كل شىء قسمة ونصيب!!

ونقول تاني ..

يعنى ايه كل شىء قسمة ونصيب !!

يا نهار ابيض
ايه ده يابنتى
دا انا زعلت لما قريت الموضوع ده
انا عندى مبندمش من حاجه حصلتلى الحمد لله
هو الواحد بيزعل شويه
بس بنقول الحمد لله

فعلا
بس الموضوع عجبنى فجبته
بس كدة

تسلم ايدكي

شكرا