آه يا ضهري

آه يا ضهري..



تحس إن البلد بتصحي م النوم
...
بتقول آه يا ضهري..

شعرها منكوش..

وصوتها مبحوح..

كأنها كانت نايمة..

ف عشة الفراخ..

اللي فوق السطوح..

وتسند علي مين..

ده الكل مدبوح..

لا ضل راجل..

ولا ضل حيطة..

مفيش غير شوية زيطة..

تيجي شوية..

وبعدين تروح..

لــ علي سلامة

اه على الكلام اللى يدبح
مالك يا بنتى؟!!

شويه البلد هتفوق
وتصحى م النوم وتروق
وتلعب شوية رياضه وتجرى وتفرح وتقول
انا اللى كنت فى ايد ظلمه
حررونى أهلى لما قامت الثورة
وبقيت حره بفضل ربنا وبعدين الأحبه
أصبر يا مصرى على رزقك متقنطشى
دا دايما الليل بييجى بعده نهار
والطفل لما بيتولد أخرس
بييجى عليه اليوم ويتكلم
واتأكد من حاجه واحده أن مصر دايما فى السما
وهترجع تانى ...إنما...إصبر يا مصرى شويه
هتبقى راسك فى السما

الله عليك يا عمورة

مفيش يا اسراء اتخنقنت من البلد دى والله

حلو جدا يا عمرو
بس مين اللى ااشاعر اللى قال كده شكله عنده امل

اتخنقتى م البلد؟؟؟؟؟؟؟؟؟؟؟؟؟؟؟؟؟؟؟

انتى بتقولى كدة وانتى عندك 12 سنة
لا يا حبيبتى بلدنا لسة بخير
اينعم بتعدى علينا شوية مشاكل بس مش مهم
المهم اننا ف امان
بلدنا دى فيها حاجة كدة مش موجودة ف اى حتة
بلدنا بتلاقى فيها دفى مش بتلاقيه ف اى مكان

فيها دفئ و كمان فيها خطر فيها امان و فيها خوف فيها خير وشر زى اى بلد بس معندناش القوه اللى تخلينا ندافع عن نفسنا لو امريكا حربتنا عندهم اسلحه نوويه احنا لا عندهم جيش مدرب على اعلى مستوى عندهم شباب عايز يحارب مش احنا كل واحد بيعافر لحد مياخد اعفاء من الجيش عندهم عداله اجتماعيه ومفيش تفرقه عنصريه انما احنا الغنى فوق الراس و الفقير تحت الرجلين يبقى فى ايه عدل فى البلد دى قوليلى انتى كده الاثار اللى مميزانا عن باقى الدول بتتسرق و فين الامان و البلطجيه مليين الشوارع النيل اهو ملوث و انتى عارفه المشاكل اللى بينا وبين اثيوبيا اللى عصام شرف المفروض حلها بس ماتحلتش و اللى قاعدين على القهاوى واللى شغال بقالو 12 سنه واكتر و لسه ماتسبتش واللى بيهاجر علشان يلاقى شغل و بيتبهدل بره وفى الكليات و الظلم اللى فيها و بيقولوا عملنا ثوره و خلعنا الديكتاتور طب خلعتو و شوفتو فى السجن ايه اللى اتصلح فى البلد امن الدوله اللى سموها الامن الوطنى لسه زى مهيا تقدرى تقوليلى ايه اللى منعنا دلوقتى ان احنا نحرر فلسطين هتقوليلى معاهده هقولك دى ملهاش اى لزمه شروطها بتعجزنا عن مساعدتهم ولو حتى بالمواد الغذائيه لا وايه نساعد اسرائيل و غير كل ده لما ضربوا حدودنا مالتزموش بالمعاهده ليه ادينى سبب يخلينى احب البلد دى وانا مش لازم يبقى عندى 40 سنه علشان اتخنق من البلد انا زهقت بقى من البلد كده كفايه الثوره عملتلنا ايه غير توتر 18 يوم و موت الف مره من الخوف عملنا تغيير جذرى خلعنا مبارك و غيرنا امن الدوله تحت مسمى الامن الوطنى وده مش تغيير دى مسميات و خلاص و اللى فى طره دول عايشين احسن منى و منك و من اى حد مصرى وكل اللى احنا فالحين فيه نغنى اغانى و طنيه و نقرا و نالف شعر ف حب مصر عملنا ايه بالشعر و بالاغانى احنا كده بنغنى على بعض مش لبعض وفرحانين اوى لما نزلنا العلم عملنا ايه بنزول العلم استفادنا ايه قوليلى واللى طلع يعتذر و صعب علينا اوى ده عملنا ايه باعتذاره وقف حرب فلسطين ولا بطل يضرب الحدود قوليلى قوليلى اى سبب يخلينى احب البلد دى لا واللى نجحوا ف الثانوى 100 ولا 200 على مستوى كل مدرسه طب و الباقى ملهمش لزمه خالص ولسه ولسه ياما هنشوف و هنسكت تانى على الظلم عارفه ثوره 52 بقالها كمان سنه بقالها 59 سنه يبقى مفيش تانى ثوره الا كمان 59 سنه وطول المده دى هنفضل كده ساكتين على الظلم والفساد .......و يقولك عملنا ثوره امال افلام العيد التافهه دى ايه ومسلسلات رمضان دى ايه قوليلى يا اسراء قوليلى ازاى احب البلد دى قوليلى ...............
(( انا بطلت احبك يابلدى))

لا يا اسراء احنا بنتناقش قوليلى ازاى احب بلد زى دى قوليلى

انا معنديش رد غير ان الكلام اللى انتى بتقوليه ده مينفعش يطلع من بنوتة صغننة
المفروض ان وانا ف سنك كان كل همى اروح المدرسة العب مع صحباتى
اسمع كلام بابا وماما دى مش تريقة فعلا الواحد لازم يعيش سنه
ولما هتكبرى وتبقى ف سننا
هتعرفى ان اجمل سنين عمرك هيا الفترة اللى انتى فيها دلوقتى
بكرة بجد هتحسى بالمسئولية هتعرفى الحياة صح
هتعيشى المشاكل لوحدك هتحاربى علشان تعيشى وف الاول وف الاخر لازم تقولى الحمدلله
كل اللى عندى اقدر اقولهولك بلدنا لسة بخير
طول ما الواحد جواه الخير يبقى الدنيا لسة بخير

يااسراء انا لما بفكر ف مستقبلى بكون عارفه وومتاكده انى مش هحقق اللى انا عايزاه و هدخل كليه وافعد ف البيت بعد كده و هنسى اللى درسته لان مفيش شغل ف البلد دى واولادى هيعيشوا فى فساد وفى ظلم وف قهر مش مهم بالنسبالى الحاضر المهم المستقبل

طب انا شديت حيلى ف ثانوى
جبت ف سنة تانية 97.5% واحبطت جدا
وقعدت اقول ظلمونى ودى مش نتيجتى
بس ف سنة تالتة لما حسيت ان جوايا طاقة
وانى ممكن اعمل حاجة لنفسى بقيت اذاكر ليل نهار
حرمت نفسى من كل حاجة حتى صحابى مبقتش اقعد معاهم
ربنا كرمنى وجبت 99.6% يعنى زدت 2%
هل ده معناه ان التصحيح كان ظلم ف سنة تانية وبقى كويس ف سنة تالتة
لالالا ثم الف لا التصحيح واحد والحال واحد والرب واحد
احنا اللى بنتغير
العيب جوانا احنا انتى لازم تعملى اللى عليكى بجد
وتسيبى الباقى على ربنا

و هتعدى فى البيت بعد التخرج يا اسراء

هههههههههههههه عمرك شوفتى دكتورة بتقعد ف البيت
ع العموم دى تساهيل حتى لو قعدت ايه المشكلة
انا بنت يعنى شغلى من عدمه مش مشكلة

ايوه يا اسراء فى دكاتره كتير قاعدين ف البيت ، انك تقعدى فى البيت مشكله ومشكله بلد بحالها الا لو كنتى انتى بتتعلمى علشان تاخدى شهاده وخلاص اسراء احنا بنتعلم علشان العلم و علشان نفيد نفسنا و الناس و المجتمع

معاكى بس ده حال الدنيا وانا بعمل اللى عليا
لاياس مع الحياة ولا حياة مع الياس
وجميل انك تعيشى سايباها على ربنا وخلاص