بلاش إفترى كلية الطب زى السكرة

بلاش إفترى كلية الطب زى السكرة

الدنيا ماشية لقدام وكليتنا ماشية لورا

وكل يوم سياسة خلت حالتنا متدهورة

وزعوا علينا شوية ورق...قال بياخدوا رأيك في المسخرة

وأتاريهم مقررين...وعاملينك كوبري وقنطرة

فاكر نفسك معلم..عليهم هتثور وتعمل عنترة

ديتك يا وحش إمتحان...هتبطل كلام وثرثرة

وعن الإمتحان حكاوى...نتيجته من الأول متقررة

الأمورةجاية متشيكة...لابسة ومتغندرة

والبنطلون الإسترتش....وبالبرفان متعطرة

والمكياج والطرحة ...متظبطين ع المسطرة

إسمك إيه يا حلوة يا أمورة يا صغيرة؟؟

وحالتك؟ ردت برد ومناخيره مليانة بربرة

حالة صعبة ..نادرة ومش متكررة

كمان أعراضه مبهمة صعبة ومش متفسرة

سألها سؤال...ردت : سوري مش متذكرة

قال :مش مشكلة إنت شكلك بعلمي متأثرة

بس بصراحة إيدي في درجتك متحيرة

إديكي 90 ولا 100 ولا إيه ياترى

ردت : أي حاجة من إيدك حلوة مسكرة

وخرجت الأمورة حلوة ومستكبرة

ودخل المسكين ببدلة سودة وكرافتة مشجرة

قاله: أهلا....إيه الكرافتة إللى زي الخرا

إمتحاناتنا يا بني سهلة بسيطة وميسرة

لا لف ولا دوران ولا أسئلة متحورة

صاحبنا إفتكرها سالكة ومش متعثرة

ونسى إنه درجته من الأول متحضرة

أول: العيان بيبنجر...عرف البنجرة..؟

وأنا شايفة بيفرفر ...فسر لى الفرفرة

ومزاجه مش رايق ...تعرف ليه ياترى؟؟

صاحبنا سكت وعرف معنى المعصرة

ودكتورنا قاله...الكتب المصري عليك مسيطرة

وإداله درجة ..خلت تقديراته متعورة

صاحبنا خرج مصدوم بيسأل..إيه إللى جري

هو إنا عشان أنجح لازم أحط مسكرة؟؟؟؟

ويوم النتيجة الحلوة إمتياوتها متكررة

وصاحبنا الكحكة في شهادتة منورة

أصل هو الغلطان ..ما ذكرش البنجرة

ما ذاكرش البنجرة