أزعل عشانك يعني ليه

موضوع: أزعل عشانك يعني ليه 07/08/11, 08:36 am

أزعل عشانك يعني ليه

فرضت عافية غصب عني أبوتـــــك
وافترضت فيا سبحان الله محبتــك
قتلتني وبتقول كانت سليمة نيتك
وعايزني أحبك بصفة ايه... أزعل عشانك يعني ليه

لساني كرهني عشان أنت سكته
عقلي كرهني عشان أنت كتـــفته
قلبي كرهني عشان أنت خوفـــته
قولي ده بقى بأيه أسميه ... أزعل عشانك يعني ليه

صحيح نعم أرحــــــــموا عزيز قوم ذل
وماتنساش شاب ف العشرين أتشل
عشان ذنبه قالك بدون خوف أرحـــل
دوست على لسانه وعلى رجليه ... أزعل عشانك يعني ليه

ازاي أسامحك وأنا شايف ف كل أيـــــد
كل أيد من أيديك غرقانة بدم شــــــهيد
طلب أني اسامحك أو أعفو عنك ده بعيد
ماحنا أتعلمنا القسوة على أيديه ... أزعل عشانك يعني ليه

جبتلنا وأكلتنا بفلوسنا خضار وفاكهة مسرطنيــن
بفلوسنا جبتها وبتلم مننا عشان مستشفى 57
يعني بفلوسنا عيتنا وبيها بتعالجنا وتقول منيـــن
واللي باع دمي صعب أشتريه ... أزعل عشانك يعني ليه

ياللي قلبكوا ضعف لما شفتوه على السرير
في زيه بسببه بالألاف مصابيــــن كتـــــــــير
واللي ماتوا عشان جبروته رافض التـــــــغير
صعب أني أشفق حتى عليه ... أزعل عشانك يعني ليه