ست الحبايب امى إنشاء موضوع جديد رد

ست الحبايب امى ,

طبعا الموضوع باين من عنوانه مين هى ست الحبايب
و هى طبعا الام انا النهاردة عاملة موضوع كل واحد فينا
يتكلم عن امه و طبعا الكلام يكتر عن الام

و عايزة كل واحد يدخل الموضوع يقولى امه بتمثلو ايه؟؟؟؟
و كمان عايزة كل واحد يقول كلمه لأمه فى عيد الام
اللى قرب هو فاضله يوم تقريبا و كل واحد فيكو
هيجيب هديه ايه لأمه؟؟؟ اللى انا شايفة ان الهديه دى حاجه قليله اوى
بتعبر لها عن حب كل واحد فينا عن حبه لأمه
و ياريت يا جماعه بجد مننساش كمان الاب اللى بيتعبو بيشقى عشان يعيشنا عيشه كويسه

وانا هبتدى اعبر انا الاول
احم
امى
هى بجد اكتر من معنى الامومه
انا نفسى اجيبلها العالم كله تحت رجليها
نفسى اعملها كل حاجه

بجد هى اكتر حد بيشيل عنى هموم
وياخدنى فى حضنه لما اكون محتاجاله
عمرى ما فى يوم ناديتلها وملبتش ندائى
بجد هى كل الحنيه والطيبه والحنان فى حياتى
انا عمرى مافى يوم اتصور اعيش من غيرها
يارب ياخد روحى قبل روحها
هى اكتر من اى ام استحملت اى حاجه
هى اكتر من كل حاجه
هى عشق الدنيا واخرتها
الواحد عاوز ايه فالدنيا غير ام تبقى جمبه
انا بجد بحمد ربنا عليها
قد ايه هى بتفكرلى فى همومى
وقد ايه بتشيل عنى احزانى
وتكتم جواها احزانها
بتعرف مالى من قبل حتى ماتبص فى عينى
ده حتى لما ازعلها مابيهونش عليها تفضل زعلانه وتيجى تصالحنى
عمرها ماحاولت تمد ايديها عليا
كل حاجه عندها بالنقاش والتفاهم والحنيه
انا بجد بعشقك ياامى
يااحن ام يا منبع حنانى

وبحب بابا كمان اووووى