ازاى تحمى جهازك من المشتركين معاك فى الشبكة ومن صاحب الشبكة نفسه

بسم الله الرحمن الرحيم


اول موضوع باذن الله هو ازاي تحمي نفسك من الي معاك علي الشبكة ومن صاحب الشبكة برده

اول حاجة ازاي الي معاك علي الشبكة ممكن يضرك ؟

ممكن فعلا عن طريق :
يكون صاحب الشبكة موش مقسم الشبكة يعني معندوش سيرفر وفي الحالادي اي حد ممكن يكون بيعمل داونلود يسحب السرعة كلها عنده وتقعد من غير نت وياسلام لو بيدون فيلم ولا لعبة بالتورينت يبقي يلا السلامة .
وممكن يكون واحد من الناس الي معاك علي الشبكة عامل عليك كات بالبرنامج الشهير طبعاً net cut والبرنامج ده اساسا مبيفدش الي مشغله غير لما تكون الشبكة موش متقسمة يعني لو الشبكة متقسمة بيضرك انتا بس .

ازاي صاحب الشبكة ممكن يضرك ؟
ممكن يكون صاحب الشبكة رزل وانتا متفق معاه مثلا علي سرعة معينة ويلاقيك مثلا بتعمل داونلود علي طول يروح هو مقلل سرعتك ودي رزاله طبعا
وممكن يكون هو اساسا عايز يعمل داونلود لحاجة ويروح قافل عليك
او يجامل ناس علي ناس


انت فكرت ممكن صاحب الشبكة يعمل معاك ايه ؟؟؟
1-ممكن يقفل IP الي انتا شغال عليه طب لو انا غيرت IP
2- ممكن يقفل النت عندك باسم جهازك طب لو غيرت اسم الجهاز
3- ممكن لما يزهق منك خالص يقفلك الماك أدريس بتاع كارت اللان وده اخره

ازاي اتغلب علي كل المشاكل دي ؟؟

1- اصطب برنامج Anti Net Cut علشان مفيش حد يقدر يقطع عني النت ده علشان الناس الي بتستخدم net cut
2-اغير اسم الجهاز علي الشبكة لاسم مقارب لاي جهاز تاني معايا علي الشبكة
3- اغير الماك ادريس بتاع الجهاز واخليه برده مقارب لأي ماك ادريس معاك علي الشبكة

برنامج Anti Net Cut
بيتسطب زي اي برنامج عادي جدا بس اهم حاجة تتاكد انه اشتغل وعلشان يشتغل بعد ماسطبته لازم تروح تشغله

start / programs / anti net cut 2

ازاي اعرف اسماء الاجهزة للناس الي معايا علي الشبكة ببرنامج سهل جداا SoftPerfect Network Scanner والبرنامج كمان بيديك الناس الي عاملة شير للملفات واحلي حاجة انه موش محتاج تسطيب يدوب تكتبله الرنج الي هايبحث فيه مثلا من 10.10.10.1 الي 10.10.10.250


لو عايز تغير اسم الجهاز بتاعك

كليك يمين علي ايقونة my computer وبعدين properties وبعدين تبويب computer name
وبعد ما تخلص تعمل ريستارت للجهاز

نيجي بقا لأخر حاجة تغيير الماك ادريس بتاع كارت اللان وعندنا برنامجين حلوين قوي أول برنامج

MacMakeUp