نكت حسنى مبارك 2011
1-مبارك: انتم السابقون ونحن اللاحقون
زين العابدين:متتاخرش عليا ياكبير انت عارف الوحدة وحشة
2-يقولك الحزب الحاكم في مصر قال للرئيس مبارك
ياريس لازم تلقي خطاب وداعي للشعب
قال مبارك : هوهـ الشعب حيروح فين ؟
3-إخبرنى بصراحة يا نظيف ولا داعى للمجاملة أو النفاق -
أمرك يا ريس -
الريس : أنا الأفضل ولا عبدالناصر ؟-
نظيف : انت طبعا يا ريس .. جمال مين اللى كان بيخاف من الروس-
طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان -
طيب أنا الأفضل ولا عمر بن الخطاب ؟ -
نظيف : انت طبعا يا ريس .. عمر بن الخطاب كان بيخاف من ربنا .. انت لأ
4-بيقولك حسني كان عاوز يغيـر دولارات و مش لاقي في السوق , فراح منادي نظيف:
مفيش دولارات في السوق ليه يا انت نظفت السوق ؟ -
نظيف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
نظيف:يا باشا .. ازاي بس -
اتصرف -
بعد يومين رجع نظيف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
إتعب معانا شوية بقى يا ريس
5-كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا نظيف ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا نظيف..
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- نظيف
- نعم يا ريس
ماتنساش ..... توكيل الزلط لعلاء
6-مصري قال لصديقه: 'ماذا سيحدث في مصر لوتكرر فيها ما وقع في تونس' فأجاب الثاني: 'سيلتقيان في الدور النهائي.'
7-بيقول لك سوزان وجيمي(جمال) وحسني راكبين عربية بسواق
حسني قال انا لما بروح افتتح مشروع مليون واحد بيصفقوا لي
سوزان قالت انا لما بروح مستشفي السرطان نص مليون بيصفقولي
راح جمال قال لما بدخل مقرالحزب ربع مليون بيصفقوا لي
راح السواق قال لهم وانا اذا دخلت بيكم في الحيطة دلوقتي 80 مليون حيصفقوالي
8-يوم السبت (الطبخ - حسني) (الكنس - زين)
يوم الأحد (الطبخ - زين) (الغسيل - حسني)
وباقي الأيام الأكل من المطعم
9-مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم أبليس : طب هات ودنك وخد الفكره دي .....وش وش وش وش مبارك : لالا يا ابليس الفكره دي مش نافعه , عاوز حاجه أشد أبليس : طب خد دي ...... وش وش وش وش مبارك : لالا , برضه مش نافعه , ايه يا اب...ليس انت بقيت خرع كده ليه , هات بقه ودنك وانا اقولك انا نويت اعمل فيهم ايه وش وش وش وش وش ابليس : لا يا راجل حرام عليك
10-بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة
11-فيلم العيد " مغارة حسني مبارك "
افاد مخرج الفيلم مبارك في المغارة ببداية عرض الفيلم من أول فبراير بميدان التحرير بطولة حسني مبارك و يشاركة نخبة من نجوم الحزب الواطي وقيادات القمع بالداخلية وبمشاركة الممثل القدير الجيش المصري مع الشكر للبلطجية ورعاع نزلة السمان لمشاركتهم الفعالة
12- ست بتشتكى لسوزان بتقولها الراجل باع نص البيت والدهب عشان يجوز الواد ردت عليها وقاتلها دا انا جوزى باع الشعب كلة عشان يجوز الواد
13-مبارك هرب ع السعودية سكنوه الطابق ثلاثين على عدد حكمه
واقف على بلكونته يشرب قهوة ويدخن سيجارة شاف زين العابدين فى الطابق 23 عدد حكمه
مبارك بقله انا اعلى منك يا واطي
قله زين العابدين:بكرا بيجي القذافي ابو الاربعين وعلي عبدالله صالح ينتقموا منك ويقولوا لك:ياواطي يا ابن الواطي
14-مرة الريس ماشي يتفقد الرعية شاف واحد فلاح نايم والجاموسة دايرة في الساقية نزل من العربية وقاله : إزاي سايب الجاموسة ونايم ، إفرض الجاموسة وقفت ، مش ده هايقلل الإنتاج قال الفلاح : ياريس أنا حاطط جرس في رقبة الجاموسة عشان لما تقف اعرف ، وقوم أمشيها قاله الريس : إفرض ياناصح الجاموسة وقفت وقعدت تهز في راسها ... كد...هه ...كدهه رد الفلاح : مش كل البهايم بتفكر زي حضرتك يا فندمة
15-حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 80 مليون.
16-فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم
مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم.
22/02/11, 01:41 am
