هذه قصيدة او قولو ابيات من قصيدة جميلة وحزينة اتمنى ان تعجبكم :
تعبت أشكي تعبت أبكي تعبت أحكي مآسي الروح

قتلني الوقت بصروفه ذبحني وجفف نهاري

أخبي علتي وأسكت وأنا في داخلي مذبوح

أجامل وأرسم الضحكه وأنا قلبي على ناري

أحاول والله يعلم بي أداري دمعتي لاأبوح

أداري الجرح واتجاهل عن اللي ينشد أخباري

أقول بخير لكني جريح وفي حشاي جروح
صداها لودفنته يوم يبين سنين بأنظاري

صرخت بحسرتي يكفي صرخت بصوتي المبحوح

ألا ياوقت وش ذنبي عشان الفيك باعذاري

تبعثر حلمي قدامي وغديت بدنيتي منزوع

وقفت ولاقدرت أجمع مغير مشتت أفكاري

أمني النفس وأخدعها وأقول إن كربتي بتروح

وهي والله مولوده قدر في أرحام أقداري

قتيل والبقا براسي في دنيا مابها مصلوح

قتيل والقهر قاتل من اللي ياخذ بثاري

أنا ببقى ضحية وقت أعاني والعنا مجروح

دعيت اللي خلق يرحم رجيته ربي الباري

أبي أسعد أنا بلحظه قبل نزعه توافي الروح

قبل ماأرحل عن الدنيا وأروح لأخر دياري

أنا بحمل صديد الجرح في باقي وقتي المسموح

وإذا وافتني القدره ترى "المسج تذكاري"

رثائي دمعي الطاهر في صمته مارضى بالنوح

رثتني قسوة الدنيا رثتني حتى أشعاري
‏

لجل ماأضعف بعين للي نشدني كيفها أخبارى