نكت متطلعش الا من مصر

موضوع: نكت متطلعش الا من مصر 06/02/11, 09:13 am

مرة
اتنين خارجين من الامتحان واحد بيسأل التانى عملت إيه قال له سبت الورقة
بيضه التانى قاله إيه اللى أنت عملته ده ليفتكرونا غشين من بعض

مرة
3 أطفال راحوا محل لعب واحد بيقول للراجل: عمو عمو عايز بلونة. الراجل جاب
السلم وطلع جاب له بلونة ونزل فسأل التاني: وانت عايز ايه؟ .قال له بلونة
. قال له ماقلتش ليه وانا فوق!! المهم طلع جابهاله وهو فوق سأل الولد
التالت: وانت كمان عايز بلونة؟؟؟ قال له لأ. فنزل الراجل وقال له : امال
عايز ايه؟. قاله عايز بلونتين

دكتور بيطري بيقول لمراته انا بهيم في حبك قالتله وانا ماقدرش ارفسلك طلب

مدرس
حساب سأل طالب لو كان علي أبوك دين 1000جنيه و مطلوب انه يسدده علي 10
أقساط ها يدفع كام في كل قسط؟ رد الولد مش هايدفع ولا مليم.فقال المدرس :
اقعد يابني ده انت مش فاهم الدرس كويس... فرد الولد : ده انت إللي مش فاهم
بابا كويس يا أستاذ

بطة
راحت لبقال قالت له عندك سكر ؟؟ قال لها لا.. راحت له تاني يوم قالت له
عندك سكر؟؟ قال لها لأ ، وعارفه لو جتيني تاني حدق رجليكي المفلطحه في
الأرض... راحت له تاني وقالت له عندك مسامير؟؟ قال لها لأ .. قالت له طب
عندك سكر