مع نفسى بنسى اللى راح
بنسى الليالى وماضيا
مع نفسى بعيش مرتاح
لاعليا يوم ولابيا
رغم انى عايش وحيد
بالوحده بكون سعيد
والفكر عنى بعيد
والنار بتهدى شويا
طب ليه انا بقسى عليها ؟
مش عارف ليه ارضيها ؟
مع انى ماليش فى الدنيا
غير نفسى حنونه عليا
وانا دايما كنت بخبى
واكتم جراحى فى قلبى
بشرب كاس العذاب
والذنب دايما ذنبى
افتح للحب باب
الاقيه يصبح سراب
واسرح وسط الضباب
ولاحد واقف جنبى
كان نفسى اعيش فى امان
او حد يحس بيا
فسالت فين الحنان ؟
قالوا راح زمن الحنيا
واتارينى ماليش فى الدنيا
غير نفسى حنونه عليا
انانيه وكلك غدر
وانا عمرى ماكنت انانى
انا برده انسان حر
مش حقبل اسامحك تانى
وياكى شفت المر
ومعاكى حزين وحدان
بردان فى عز الحر
والدنيا ماشيه فى بر
وانا ماشى فى التانى
وارجع ادق البيبان
واشكى لصحاب وجيران
يمكن انسى اللى فيا
وابكى فى حضن الزمان
وابكى فى حضنك شويا
واستنى منك حنان
الاقيكى مليانه اسيا ؟!
واتارينى ماليش فى الدنيا
غير نفسى حنونه عليا
مع نفسى بنسى اللى راح !!
:75575:
22/09/10, 11:39 pm
