شعر بالعاميه المصريه( جوايا شيْ)
جوايا شيء محبوس....بيصرخ..ينتفض
وبيلتوي
لوي الزمن
روحي وانا
ثورة كيان..قاعدين بنغزل في الكفن
قلبي اللي عاش ومضفرة..
رقه وحنين
روحي اللي رافضة بكبرياء
وشموخ نخيل
جبلين عناد....
يتكسروا جوه الهشيم
ويفتحوا بين العروق
صراع مرير
روحي انا ....
جاوبيني ليه ..رفضاني ليه
وانا قلبي برج مكبرة..
ممكن يساع كل الحمام
ردت وقالت:
ليه الزمان ده
بيسرقوا كده مننا
حلم المنام
وانا عشت عمري استنظره
حتي النهار.........والضي ليه
بيعصّروه من ع الجبين
ويهدوا شادر للغنا ..
من فوق رؤس الشقيانين
مش قلت لك!
مانتاش مكاني
ولا يوم هاييجي ف يوم تكون
وادي قراري
راح انخلع من جوه صدرك للحياة
نفسي اعيش واخرج بقي من جوة حد الالف اه
لاْ ارجعي:
همك دا ناوي يغربك عن سكتك
حالف يهّرب من شفايفك ضحكتك
ويشد من طرف اللسان
غنوة مسا
خلي خصامك للعدا
جاوبيني بالصوت والصدا
الدنيا ليه
كرباج بينزل ع الجسد
اسمع ياشاعر كلمتي:
دا الدنيا فاتحه ليّ ايدها وحضنها
وانت اللي راسم
حزن بس ف شكلها
اما انا
كل النجوم متجمعة ف عقد السنين
زي الوسام
انا اعلقه وانسي الانين
ياحته مني اسمعي
ياكدبه عايشه بتكبري
حتما في يوم راح تخسري
واطلق من الصدر النفس
لو جيتي يوم وتدوري
راح تسمعي اخر قرار
يالله ....ارحلي ]
11/06/09, 02:54 pm