احبك موووت ولا غيرك يعجبنى

سبحان من سواك اخذت من كل شي شويّه
وهالشي اللي جنني واكثر فيك حببني



عيونك غير باقي الناس احسها عيون قطريّه
ترا في شي بعيونك احسه دوم يجذبني




وخشمك سيف ما يرحم من سيوف السعوديّه
وانا يمك احاسب دوم اخافه بس يطعني




وحبة خال في وجهك تقول دانه كويتيّة
ومن يكسبله الدانه يعيش العمر متهني



ومن البحرين حتى خذت حواجبك الهلاليّه
وشعرك موج اماراتي سبع مرات يغرقني



وطيبة قلبك انت غير ..نعم طيبةعمانيّة
يا اطيب قلب في الدنيا متى باحساس تاخذني



واذا سولفتلي كن السوالف هي عراقيّه
ولك يابا شردت مني تريد انت تعذبني؟



نعم ما كنك الا يالغلا وصفه خليجيّة
جمعت بلدان بصفك بشخص واحد يا فاتني



تصدق يا اعز الناس انا ايدي وهي ايديّه
اذا لمست طرف شعرك ودها بس تتركني



اذا موج الشعر جاها بتسبح فيه وبفيّه
الين احس بايديني وكن الماي بللني



واذا نزلت ايدي اكثر على خدك احس فيّه
نسيت الدنيا والعالم واحس انت تحكمني



لانه قام وسمعني واهداني اغانيّه
وقلبي من كثر ما دق توقعت انه يخنقني



دخيلك غمض عيونك واسمعني وحس فيّه
انا والله احبك موت ولا غيرك بيعجبني



واذا اني كنت انا يمك ترا الفرحه خياليّه
اطير بفرحتي واسرح لكنك تقومني



انا من كثر ما احبك احس روحي انانيّه
اذا غيري لمس ايدك احس انه يموتني



هذا كل ما عندي كتبته وبحسن نيّه
قسم بالله وانا اكتب احسك انت تكتبني

:urt6fyhrfty: :urt6fyhrfty: :urt6fyhrfty:

كلماتها جميلة وصادقة الاحاسيس