كلمات اغنية فات الميعاد لام كلثوم

فات الميعاد

فات الميعاد وبقينا بعاد
والنار بقت دخان ورماد
تفيد بايـه يا ندم وتعمل ايه يا عذاب
طالت ليالى الالم واتفرقو الاحباب
وكفايه بأه تعذيب وشقا
ودموع فى فراق ودموع فى لقا
تعتب عليا ليه انا بايديه ايه
فات المعاد فات فات المعاد

*****

ياما كنت اتمنى اقابلك بابتسامه
او بنظره حب او كلمه ملامه
بس انا نسيت الابتسام زى مانسيت الالام
والزمن بينسى حزن وفرح ياما
ان كان على الحب القديم
ان كان على الجرح الاليم
ستاير النسيان نزلت بقالها زمان
ان كان على الحب القديم وأساها
انا نسيته انا ياريت كمان تنساه

*****

الليل ودقت الساعات تصحى الليل
وحرقت الاهات فى عز الليل
وقسوة التنهيد والوحده والتسهيد
لسه ماهومش بعيد
وعايزنا نرجع زى زمان
قول للزمان ارجع يا زمان
وهاتلى قلب لاداب ولا حب
ولا انجرح ولا شاف حرمان

*****

من نارى من طول لياليا وفرحة العزال فيا
من قسوتك وانت حبيبى وقسوة الدنيا عليا
بينى وبينك هجر وغدر وجرح فى قلبى داريته
بينى وبينك ليل وفراق وطريق انت اللى باديته
تعتب عليا ليه انا بايديه ايه
فات المعاد فات فات المعاد

» كلمات اغنية حب ايه لام كلثوم
» كلمات اغنية يا ظالمـــــنى لام كلثوم
» كلمات اغنية سكن الليل لام كلثوم
» كلمات اغنية لسه فاكر لام كلثوم
» كلمات اغنية هذه ليلتى لام كلثوم